..

ပန်းမြတ်သဇင်

ပန်းမြတ်သဇင် - ပန်းသဇင်
သဇင်ပေါ်စ
နှင်းဝီ၀ီကေ - နတ်တော်လ။

ပြိုင်းတောင်ကျော်လမ်း
ခမောင်းပင်မှာ - သဇင်ပန်း။

ဆွတ်ခီ ဆွတ်ခီ
မယ်နှမမှာ - သဇင်ပန်းကို
ပန်ရစီ။

နှမပန်သျှင်
ပျိုတိုင်းကြိုက်တေ - ပန်းသဇင်
မယ်ကြင်မောင်ဝေ - တက်လို့ ဆွတ်ကေ
ရခရေ။

ပန်းပွင့်သဇင်
မယ့်ဂေါင်းထက်မှာ - လှလို့ ပင်။

တ၀က်ကိုပန် - တတန်နောင်ကျိုး
မြတ်စိန္တေလေ - ညောင်ရည်အိုးမှာ
အပြည့်ထိုး။

မောင်နှင့်နှမ
သဇင်ပန်းကို - အရင်းတည်
မောင်မယ်နှစ်ဝ
အခါတန် - သင်္ကြန်လမှာ
ပေါင်းရပါစီ။

ဆံတော်သျှင်လေ - စေတီရင်းမှာ
ဆုတောင်းလီလေ - ဆုတောင်းလီ။ ။

(ရခိုင်ကျွန်းရွာကဗျာ)


ကိုမျိုးသာဂီ blog, AMP က ကူးယူထားပါရေ။ ။

ဒေးဝန်း အောင်ကျော်ရွှီ၏ ကိုယ်တွိ ရခိုင်ပြည်သိမ်း တိုက်ပွဲမှတ်တမ်း

How "MRAUK -U" was translated into Monkey's Egg

ရခိုင်ဘာသာစကား လမ်းညွှန် (ဦးစက္ကိန္ဒ)

Guide to Arakan Language

The remote mysteries of Mrauk U

The remote mysteries of Mrauk U

ရမ်းဗြဲကျွန်းမှ ဇမ်းကဗျာများ

စိတ်ရူးရေ
....................

မိုးမင်းညို
မရွာတချက် ရွာတချက်
ကြောင်းပျက်တေလေ.......။

မောင်လူပျို
မလာတရက် လာတရက်
စိတ်ပျက်တေလေ ........။

ချောင်းဖြားရီ
ချောင်းရီတထူး
အညာခွင်ကို မ၀င်ဖူးကေ
ဖြားရူးရေလေ........။

ညရီတလီ ညဥ့်ရီတထူး
မောင်လူပျိုလေ
မေ့အိမ်ကြောက်ကို မ၀င်ဖူးကေ
စိတ်ရူးရေ လေ..........။

နွားလိုက်ရ
....................

နွားပတုန်းရာလည်း တွဲတွဲ
မိနှင့်ဖမှာ မွီးစပ်တေ
နွားချေ နောက်က
မလိုက်ခင် မခင်ကဆဲ......။

ခလောက်ကိုယူ ချစ်တေသူ
နွားဖြူနောက်က
မက္ကလာ နံမှာကျိုက်လို့ 
နွားလိုက်လားရေ ........။

ပန်မရွှတ်
..............

တခွန်းခေါ် အိုလေရွှီနား
နှစ်ခွန်းခေါ် အိုလေရွှီနား
သုံးခွန်းတက်မှာ
မောင်ခေါ်သံ ညံညံကြားလို့ 
ဘုရားထူးရေ .....။

ဘုရားဆို အလိုမဟိ
တရားဆို အလိုမဟိ
ပုချေဆို အလိုဟိ
ခေါ်မိစွာရာ .....။

လပကောင်းယာ
တောက်လီယာ
လာရာလာလတ်
ပြန်မရွှတ်ပါ မောင်းမောင်.....။

လိုက်ဝံ့ဖို့ လား

.......................

နပျိုးရာလေ တပင်
ဂရင်ရာလေ တပုဒ်
နှင်းမကြွီ လီမသုတ်
ဆင်ပုတ်ရပ်သို့ 
ရည်မှတ်လာ ပြောပါဖို့ လား
ချစ်တေမောင် ပြောစကားကို
မေစိုင်းစားလား ......။

သင်္ဘောမာလိန် ရီကိုချိန်
မာလိန်သင်္ဘော
သောင်းသောင်းကျော် ဖောင်တော်ဦးက
လက်မှတ်စာ မောင်ထုတ်ပီးလို့ 
မလိုက်ဝံ့ပါ .....။

အမိခေါ် နောင်တော်မြစ်ကို
မလိုက်ဝံ့ပါ ....။

အဖခေါ် နောင်တော်မြစ်ကို
မလိုက်ဝံ့ပါ ....။

ချစ်သူခေါ်
လူမတူ မယူမြစ်ကို
လိုက်ဝံ့ဖို့ လား....။

ရောက်လာလိမ့်မည်
........................

ခမောင်းသုံးကြိမ် ကျေးသုံးကြိမ်
သံဂလိမ်သုံးဆင့်
တောမှာဝီကေ ဆင်ဝေပွင့်
ငုံးပန်းပွင့်ယာ.........။

ယင်းပိုင်ချိန်ခါ ထီးကိုကိုင်
ရွာစိုင်လျှောက်လို့ 
ရောက်ာလလိမ့်မည်...။

အဆုံးစွန်
.............

ဝဲလီပျံလီ သံဂလီ
ပျံလီငှက်ခါး
ကိုင်းဟောင်းကျိုးလို့ 
ကိုင်းသစ်ရှာ
ရပါဖို့ လား
မေစိုင်းစား .....။

အဆုံးစွန်ကေ
လက်ပံယေကိုင်းမှာ
နားဖို့ ကျရေ ......။

ဆုတောင်းရေ
...................

ရမ်းဗြဲမာန်အောင် ကျောက်ဖြူသံတွဲ
စနဲရွာ ခေါ်သည်ရပ်မှာ
စောမဲကျီ တည်ရေဓါတ်ကို
ဖူးကတ်ခီမေ ....။

ဆီမီးတတိုင် နှစ်ယောက်ကိုင်
ပျိုင်တပေါက်မှာ
နှစ်ယောက်ထိုင် တူပြိုင်ညှိလို့ 
ဆုတောင်းကတ်မေ .....။

ဆုမကောင်း
ဖျက်တောင်းကတ်မေ..။

ပန်းမစင်
ဖျက်တင်ကတ်မေ...။

မကောင်းကြံ ဖီးရန်မှုကို
ပြုခလို့ လား ...။

ပန်းမစင်
တင်ခလို့ လား....။

ဆုမကောင်း
တောင်းခလို့ လား ....။

ငှက်မောင်နှံ ပျံကာဝဲ
ကျိန်ဆဲလို့ လား ....။

သူ့ ရည်းစား
ခွဲခို့ လား ....။

သနားဖွယ် ပုချေမေနှင့်
ဒေဘဝေ ဒေဘ၀မှာ
မပေါင်းရကေ
နောင်ဘဝေ နောင်ဘ၀မှာ
ပေါင်းရလီယောင်
မြတ်စိန္တေ ထံတော်ပါးမှာ
ဆုတောင်းရေ .......။

မီးစာကုန် ဆီခမ်း

တရွိရွိ ....တစိစိချေနန့်
မသိလိုက် ...မသိဖာသာ
တဖက်မှာ ...ဗျူဟာချလို့
မီးစာကုန် ....ဆီပါခမ်းခါမှ
အားမတန် ......မာန်ကိုချခန့်.....
နောက်နောင်ခါ ...........ရခိုင်ဆိုစွာ
တောကြိုဂျောင်.....ဟိုတောင်ကြားက
မထင်မယှားရေ ...လူမျိုးအဖြစ်ရာ
မှေးမှိန်အောင် ...သုတ်သင်ရမေလို့
စားမကုန်ရေ ...ရီမြီထဲကလူတိ
ပိတ်ပင်ရေ ....စည်းမျဉ်းပဒေသတ်ဗျယ်
ငတ်ချချင် ...အပြင်ကိုဂျီးထွက်ကျကေ
ရွာထဲမှာ.... မမ နန့် ဗျ ရာကျန်။


နတ်မောင်

“ရက္ခကန္တာရ”

ရီချေတစက်
မတွိရဗျာယ်လို့ 
ထင်ရလောက်တေ
ဒေကန္တာရ
နှစ်နှစ်ရာကျော်ပူလောင်ခြင်းတိနန့် 
ခြောက်သွိ့ အက်ကွဲ
မွန်းကျပ်ပိတ်ဆို့ ပနာ
မရဏသံဇိုင်တေးခြင်းတိဆိုလို့ 
ပဋိပက္ခသဲမုန်တိုင်းတိတိုက်ပနာ
အချင်းချင်းခွပ်လို့ အတောင်ကျွတ်နိန်ကတ်တေ
ဒေမျက်နှာစာထက်မှာ
သက္ကရာဇ်ခြီရာတိ
သွီးမတိတ်သိမ့် ….၊


မျှော်လင့်ချက်အနာဂတ်
စကားလုံးတိပျောက်နိန်ရေ
ဒေအဘိဓါန်က
နတ်ဆိုးတကောင်ပိုင်
အာရုံမွားတိခ်ေကြ်း
အဓိပ္ပါယ်လွဲနိန်ရေလမ်းတိ
ခင်းပီးထားယင့်…၊


ဇာပင်ဖြစ်ဖြစ်
ပွင့်ဖူးသစ်ရို့ ရာစု
ခေတ်သစ်ကိုထုဆစ်ဖို့ 
နှလုံးသားနန့် ပြောရေစကား
နှလုံးသားနန့် နားထောင်
ဝံလက်တောင်ပံတိခတ်ပနာ
အာဂါပြင်မှာ ဇကုန်ပျံကတ်မေ…။ ။ ။


ခိုင်အောင်အောင်
၂၊၅၊၂၀၀၉

http://arakanfuture.blogspot.com/ က ကူးယူဖေါ်ပြပါရေ

The story of Mahamuni

ရခိုင်သမိုင်းသစ် ဂျာနယ်

thangran song ( won ko Khaing)

မိုးရိပ်ဖုံးရေ လပြည့်ညည့်

ကျွန်းတွင် ဇမ္ဗူ လူတွင်ရခိုင်

ယိုင်းယင်စီး "သာခြင်း"

ယိုင်လည်းယိုင်းယင် … ယိုင်းပေါက်ပင် …
(ကေ) ပေါက်ပင်လည်းကိုင်း … ယိုင်းလည်းယိုင်း ။
(Rap ……. အဘုချေ .. မျက်စိချေကို နှိပ်လိုက်နန်း .. ဘာကြီး ..)

လက်စွပ်ချေတခွေ … ပျောက်လားခရေ …
(ကေ) ရှာရေမရ …………
အသားညို .. (ကေ) လူပျိုလက် … မှာ .. ဘယ်ဖက်က ။

သမီးရအောင် … သားရအောင်လေ …
မထားလီကေ့ …………. အချိန်တန်
(ကေ) သင်္ကြန်လ … မှာ .. ပို့ခလိုက် ။

နှပျိုးသီးကျာကျာ … မှဲ့ (ည့်) လတ်ယာ …
(ကေ) ကြာဇံလင်ရှာ …. ဆိုလတ်ယာ ….
ထီး နန့် ထမ်းစင် ……. အယင်ယူခ …………
စံရဖွေ .. (ကေ) မဂျေးပင် … အိမ်နောက်က.. ။

အိမ်နောက်ကအိမ်ရှင် … မဂျေးပင် …
(ကေ) ပင်လီပင်တွတ် …………
ရခိုင်ပြည်မှာ … လီသသွတ် …….နန့် ..
ဇရပ်ကေသာယာ …. ကျီးဖြူရွာ ….
(ကေ) ဇာမှာလည်း..။

အဘာကြီးဝါ၀ါ ….. တောင်ဂျိုင်ကြားမှာ …
မြင်းချေ စီးလို့လာ ….။
နှမချေ သန္တာ ….. ရွှီဖလားမှာ..
ကွမ်း ... ယာလို့ပါ …
ငါ့ကိုတယာ … မပီးလား …
ကံဆိုးမသမီး …. ဒိန်း ဒိန်း ။ .. ။
(Rap....... အမိသေ ...... အစိတ်ကေအိပ်လားခယာ..ထော....)

ကန်ဂြီးစိုရ် (ဘူမိနက်သန်မြီ) ဘလော့က ကူးယူရွီးသားပါရေ။

မျည်းမတ်တိ

လူဆိုစွာ
ကမ္ဘာကိုမှီ (23 1/2)ဒီဂရီ
အောက်ခြီကပင် တိမ်းစောင်းနီရေလတ်.....။

ဖြတ်လမ်းလိုက်လူလိုက်
နဖူးသိုက်တူးလူက တူးဗနာ
မာနကို ခ၀ါချ
ခံယူချက်ကို ဆီးဆိုး
မိုးခါးရီ သောက်လူကသောက်....။

တယောက်
နှစ်ယောက်
သုံးယောက်
ရွီမလောက်....။

ကျောက်ဆောင်ကို အားကျ
ဂျောင်ထဲက ဖွဲရာကျချေ တရွီ
ဆကြွီဒဿနတိနန့်  လံဆွဲယင်း
လိုင်ကြောတင်းရေလို့  ဆိုချင်ဆို
မပိုမဟိရေ သိက္ခာတချပ်ကို
အလိုဟိရေ ရိက္ခာတနပ်မျိုဖို့ 
အချိုသကာရှာ ပုရစ်မျက်နှာ တပိုင်းနန့် 
သမိုင်းဘင်းဂျီ မခံနှိုင်.....။

လှိုင်း..ဂစ္ဆပ
(ရွက်နုပြန်ချိန် ကဗျာများ စာအုပ်)

ရခိုင့်အောင်လံတော် အလင်္ကာ

ကြားပိမ့်ဗိုလ်လူ အံ့ချီးမူသော၊ သောင်းယူဇနာ မြေမျက်နှာထက်၊ မြောက်မှာ အာသံ တောင်ယံသီဟိုဠ်၊ နောက်ကို လှည့်လည် မရွံ့ ပြည်နှင့် ၊ ဦးတည်ပိုင်းခြင်း ပင်လယ်ဆင်းအောင်၊
စိုးမင်းတကာ ညီညွတ်ရာသည်၊ သာယာရွက်ဆောင် ရန်တိုင်းအောင်သည်၊ ဘုန်းခိုးဓမ္မရာဇာ
ဥက္ကဟုခ်မျိုး၊ သမုတ်ရိုးလျင်၊ စိုးစံသောအခါ၊ ရက္ခပူရ ဓညမြို့ ကြီး တိုင်းလုံးထီးကို၊ ပြီးစီးခန့် ရှည်၊ ရွှေနန်းတည်၍ အောင်စည်ညံညံ၊ ဘိသိတ်စံက ၊ ကျော်ဘိသတင်း သောင်းလုံးချင်းမျှ၊ မြင်းလည်းသိန္ဒ၀ န၀ဆဒ္ဒန်၊ ရန်မာန်ပယ်လှဲ့  ခြင်္သေ့ကေသရီ၊ အောင်နီအောင်ဖြူ ပဉ္စရူကို၊ ကြည်ဖြူနှစ်သက် နတ်တို့ ဆက်က၊ ဘုန်းကြက်သရေ မိုးနှယ်စွယ်၏၊ ရွှေငွေရတနာ ပဒေသာသီး၊ ပြီးစီးစေတက် နတ်သမတ၊ စောင့်သီလနှင့်ဣန္ဒ၀ဇီရာ၊ အလင်္ကာရ အစဖြန့် ချီ၊ သီရိဓဇ ချိုမြသာယာ၊ နောက်ပိတ်မှာလည်း၊ မဟာသုဓမ္မ၊ ရာဇာဂုရု၊ ရုံးကာစု၍၊ မျက်ရှုခတ်နှိပ်၊ ရွှေတံဆိပ်ကို၊ စိတ်စိတ်ကြည်နူး၊ ရွှေနန်းဦး၌၊ ရွှင်မြူးကြည်ဖြူ၊ လှူတော်မူက၊ နတ်လူတကာ ကောင်းချီးငြာလျက်၊ သာယာမြတ်နိုး၊ မေတ္တာဖြိုး၍၊ နေမျိုးမှန်စွာ မြေသြဇာလည်း၊ ရာသာပြည့်နက် အောင်ဆုခတ်၍၊ ရာသက်တည်ကြောင်း၊ မျိုးသစ်လောင်းသည်၊ ရိုက်သျှောင်းပဲ့တင်ငြိမ့်ငြိမ့်တည်း။



ရခိုင်ပြည် ရှေးခေတ် အောင်လံတော်ပုံ



ရခိုင့်သမိုင်းသစ် စာအုပ်က ကူးယူရွီးထားပါရေ။

king Suriya keyboard layout